सिलगढी
डोटीमा प्रतिनिधि सभा निर्वाचनको मतगणना जारी छ। हालसम्मको अपडेट अनुसार नेपाली काँग्रेसका भरत बहादुर खड्काले अग्रता कायम राखेका छन्। उनका निकट प्रतिस्पर्धी नेकपा (एमाले)का दीपक बहादुर धामी छन्।
भरत बहादुर खड्काले हालसम्म १२,३४९ मत प्राप्त गरेका छन् भने दीपक बहादुर धामीले ११,००७ मत पाएका छन्। यसैगरी, राष्ट्रिय स्वतन्त्र पार्टीका नरेन्द्र बहादुर खड्काले ८,६६६ मत प्राप्त गरेका छन्।
अन्य प्रमुख उम्मेदवारहरूमा नेपाली कम्युनिष्ट पार्टीका त्रिलोचन भट्टले ४,५६३ मत, राष्ट्रिय जनमोर्चाका मणिराज भट्टले ३६७ मत, राष्ट्रिय प्रजातन्त्र पार्टीका खडक बहादुर अग्रवालले ३४९ मत, नेपाल कम्युनिस्टका प्रकाश कठायतले ३२७ मत, मितेरी पार्टीकी सरस्वती कुमारी पालले ३६ मत, र नेपाल मजदुर किसान पार्टीका खगेन्द्र बहादुर शाहीले २६ मत पाएका छन्।
मतगणना अझै केही वडाहरूमा जारी रहेको निर्वाचन अधिकृतले बताएका छन्।
